Nemendur í 5. bekk og skólahópur úr leikskólanum steinahlíð unnu útilistaverk í garði Steinahlíðar í samstarfi við nema úr listkennsludeild Listaháskóla Íslands. Börnunum var skipt í fjóra hópa og hver hópur vann með valið verkefni út frá umhverfi og náttúru staðarins.

Einn hópur vann híbýli fyrir ímyndaðan þjóðflokk sem tók sér búsetu í garðinum, annar hópur vann með fugla og byggði þeim hús úr efniviði af staðnum s.s. greinum og blómum. Þriðji hópurinn  van með drauma og byggði draumastað fyrir draumana sína og sá fjórði gerði kort af garðinum og merkti inn á það hús, dýr og gróður. Kortið er í raun teppi sem nota má lautarferðir til að tylla sér á og njóta náttúrunnar. Hér má smá fleiri myndir.

Óli sendi nokkrar myndir frá Reykjum. Þær má finna í myndasafni. Allt gott að frétta og allir hressir.

Það var flottur hópur 4. bekkinga í Vogaskóla sem var við skemmtilega setningu Barnamenningarhátíðar Reykjavíkurborgar. Börnin voru sér og skólanum til sóma og skemmtu sér vel, voru dugleg að taka þátt í skemmtilegri dagskrá. Myndir í myndasafni.

Föstudaginn 13. apríl var hraðskákmót unglingadeildar Vogaskóla haldið í fyrsta sinn. Alls tók 41 nemandi þátt í mótinu og þrír nemendur deildu efsta sætinu með fullt hús stiga; Mikael Maron Torfason úr 8. bekk, Nanna Bríet Atladóttir í 9. bekk og Kristófer Arnar Árnason úr 10. bekk. Til hamingju krakkar. Fleiri myndir í myndasafni.