Matseðill

Vefpóstur
Skóladagatal
Mentor
Umsókn um leyfi

Skák og mát

skak1Í 4. – 6. bekk verður nú boðið upp á námskeið í skák 2-3 kennslustundir næstu vikurnar og verður því komið fyrir á stundatöflu þar sem hentar hverjum hópi fyrir sig. Það er mikill skákáhugi hjá krökkunum og er þessi íþrótt frábær hugarleikfimi. Farið verður í grunninn, mannganginn og helstu byrjanir. Hver veit nema Vogaskóli lumi á skáksnillingi??? Ekki vantar áhugann í fyrsta tímanum eins og sjá má á myndunum

Kveðja,Heimir.

Nema hvað

nema1Mánudaginn 19. janúar keppti lið Vogaskóla við Réttarholtsskóla í spurningakeppninni „Nema hvað". Keppnin var vægast sagt spennandi og fór svo að lokum að Réttarholtsskóli sigraði naumlega.

Fulltrúar Vogaskóla í keppninni, þeir Hjalti Sigurður Karlsson, Ólafur Frímann Kristjánsson og Benedikt Traustason, stóðu sig mjög vel. Fjöldi nemenda úr Vogaskóla fylgdi þeim félögum í Tónabæ þar sem keppnin var haldin. Hér má sjá myndir frá keppninni.

Ásmundarsafn 4. bekkur

asi1Helmingur 4. bekkjar fór á Ásmundarsafn í dag. Börnin voru til fyrirmyndar. Mjög gaman var að skoða stytturnar og húsið. Börnin máttu velja sér styttu og teikna. Tíminn, Síðasta sjóferðin, Ísold og Tristan voru á meðal þeirra sem börnunum fannst merkilegar. Seinni helmingur bekkjarins fer 27. janúar í heimsókn á safnið. Sjá myndir í myndasafni.

Bílar

bill1Nemendur í 3. bekk eru að byrja á námsefni sem heitir Komdu og skoðaðu bílinn. Það var því mikil eftirvænting hjá nemendum þegar þeir fengu að fara í bílakjallara Vogaskóla og skoða bíla starfsmanna. Miklar umræður sköpuðust og kom í ljós að nemendur vissu um ýmislegt sem tilheyrir bílum s.s. gírkassa, blöndung, kerti og öxul svo eitthvað sé nefnt.

Helgileikur og jólaböll

helgi1Föstudaginn 19. desember voru jólaböll hjá nemendum í 1. - 7. bekk.  Nemendur byrjuðu á að sjá helgileikinn sem sýndur er í Skálanum. Að því loknu var farið í Salinn þar sem dansað var kringum jólatréð við undirleik drengja í 6. bekk og tónmenntakennara. Þetta var mikil og góð skemmtun eins og sjá má á myndunum og sýndu allir nemendur sínar bestu hliðar.

Fleiri greinar...