Matseðill

Vefpóstur
Skóladagatal
Mentor
Umsókn um leyfi

Danssýning

dari1Stelpurnar í Darí Darí dansflokknum heimsóttu okkur í Vogaskóla þriðjudaginn 2. desember og sýndu öllum nemendum skólans dans. Fleiri myndir má finna í myndasafni.

Óvissuferð í 7. FR

vifil1Fimmtudaginn 27.nóvember fór 7. FR í óvissuferð og var Vífilfell svo almennilegt að opna dyr sínar fyrir hópnum. Nemendur kynntust framleiðsluferlinu og sáu vélar og menn að störfum. Að lokinni sýnisferð um framleiðslusali fyrirtækisins fengu nemendur að smakka á framleiðslunni og rann hún ljúflega niður. 7. FR færir Vífilfelli og starfsfólki þess kærar þakkir fyrir höfðinglegar móttökur.

Stóra rósaballið

rosa1Rósaball var haldið fyrir 8. 9. og 10. bekkinga  fimmtudaginn 27. nóvember  2008. Góð mæting var á ballið og sló happdrætti, leikir og skreytingar nemendaráðsins í gegn. Það voru flottir Vogskælingar sem kunna að skemmta sér sem fóru þreyttir heim það kvöldið.

Takk fyrir frábært kvöld krakkar, Rakel og Berglind félagsstarfskennarar (-:
Sjá fleiri myndir hér.

Bókakynning fyrir 5. og 6. bekk

upp1Miðvikudaginn 26. nóvember kom Gerður Kristný og las fyrir nemendur í 5. og 6. bekk úr nýútkominni bók sinni "Garðurinn". Nemendur voru mjög áhugasamir og hlustuðu vel. Að lestrinum loknum svaraði Gerður fjölmörgum spurningum krakkanna. Hér má sjá myndir.

Heimsókn í Seðlabanka Íslands

s1Nemendur í valgreininni „Unglingurinn og fjármálin“ heimsóttu Seðlabanka Íslands þar sem vel var tekið á móti nemendum og þeir fræddir um þróun peningamála hér á landi. Margt fróðlegt bar fyrir augu nemenda en áhugaverðast þótti þeim að prófa gagnvirkan hermileik þar sem þeim bauðst að sigla þjóðarskútunni. Sumir sigldu henni í strand á mettíma en öðrum tókst nokkuð vel til og voru farnir að ræða það að taka við þjóðarskútunni. Sjá myndir hér.

Fleiri greinar...